Satbayev University ғалымдары ғимараттардың сейсмикалық тұрақтылығын арттыратын діріл платформасын жасап шығарды. Бұл туралы Қазақстан Ғылым және жоғары білім министрлігінің баспасөз қызметі хабарлады.
Жоба сейсмикалық белсенділігі жоғары аймақта орналасқан қалалар үшін ерекше маңызға ие.
Мамандар белсенді сейсмикалық қорғау жүйелерінде параллель манипуляторларды қолданды. Бұл технология жер сілкінісі кезінде жүйенің автоматты түрде іске қосылуын, тербелістерді тіркеп, олардың құрылымға әсерін өтейді деп болжайды.
Жоба жетекшісі Қуаныш Әбжапаровтың айтуынша, сейсмикалық қорғаудың пассивті әдістерінен айырмашылығы, олардың жүйесі сыртқы әсерлерге тез әрекет етеді. Жоба аясында мамандар діріл платформасының эксперименттік үлгісін ұсынды.
Жоба бірқатар сынақтардан өтіп, зерттеушілердің есептеулерін растады. Қазір ғалымдар өз жобасын грант алуға ұсынды. Алдағы уақытта олар жүйені пайдалануға енгізуді жоспарлап отыр.
