Қазақстан Сенатының төрағасы Мәулен Әшімбаев Д.Серікбаев атындағы Шығыс Қазақстан техникалық университетіне (ШҚМТУ) барды. ЖОО-да оған студенттер мен жас ғалымдардың жетекші әзірлемелері көрсетілді, деп хабарлады Қазақстан Ғылым және жоғары білім министрлігінің баспасөз қызметі.
Әшімбаевқа ШҚМТУ базасында құрылған ортопедия және травматология, онкология үшін медициналық импланттар мен құралдар өндірісі бойынша «Медициналық кластер» жобасы таныстырылды.
Импланттардың 20 түрін және медициналық құралдардың 7 түрін шығару технологиялары әзірленді. 150 пациентке ЖОО-да әзірленген және өндірілген импланттар орнатылды.
Қазір жоба жаңа деңгейге шықты - мамандар толық циклді импланттар өндірісін жолға қоюда. Осылайша медициналық жабдықтың осы түрі бойынша импортқа тәуелділік төмендейді.
Сонымен қатар, Сенат төрағасы «Қорғаныш және функционалды жабындар» ғылыми орталығының жұмысымен танысты. Мұнда беттік инженерия мен ұнтақтық металлургияны дамытумен айналысады. Ғалымдар газ-термиялық шашырату, химиялық-термиялық өңдеу және ұнтақтарды сфероидизациялау технологияларын қолданады.
Әшімбаев тағы қандай жобаларды көрді:
- Digital Social Research халықаралық ғылыми-зерттеу орталығының интерактивті демографиялық карталары
- Лу Бань шеберханасынан автопилоттау және жол инфрақұрылымын интеллектуалды басқару жүйелері
Демонстрация қорытындысы бойынша Әшімбаев ЖОО-ның қызметі практикаға және заманауи технологияларды енгізуге бағытталғанын мәлімдеді.
