Қазақстан азаматтары зиянкестер тарататын зиянды бағдарламалық жасақтамадан смартфонды қорғау үшін антивирусты пайдалана алады. Осылайша олар өздерінің құпия деректерін қорғайды, деп хабарлады республика ІІМ баспасөз қызметі.
Android операциялық жүйесі бар мобильді құрылғыларға орнатылатын зиянды бағдарламалық жасақтаманы тарату жағдайлары тіркелуде.
Зиянкестердің БЖ смартфондарға қалай түседі:
- мессенджерде жіберілген фишингтік сілтеме бойынша өту
- фото немесе құжаттар ретінде зиянды файлды жүктеу
- мемлекеттік органдардан, банктерден және тауарларды жеткізу қызметтерінен келетін хабарламалар
- лотерея ұйымдастырушыларының атынан қоңыраулар
Егер пайдаланушы зақымдалған файлды орнатса, алаяқтар құрылғыға қашықтан қол жеткізе алады. Осылайша қылмыскерлер жәбірленушіге несие рәсімдей алады немесе телефонды бұғаттап, төлем талап етеді.
ІІМ ешкімге СМС-тен келген кодтарды хабарламауға, тексерілмеген көздерден қосымшаларды орнатпауға, сондай-ақ белгісіз жіберушінің сілтемелері бойынша өтпеуге кеңес берді. Егер смартфон тез отырса, қызып кетсе, оған бейтаныс қосымшалар пайда болса, құқық қорғау органдарына жүгіну керек, деп түйіндеді ведомствода.
