Түркістан облысының полицейлері жол-көлік оқиғаларының алдын алу және жолдардағы қауіпсіздікті қамтамасыз ету үшін профилактикалық рейдтер жүргізуде. Бұл туралы Қазақстан Республикасы ІІМ баспасөз қызметі хабарлады.
Атап айтқанда, Сайрам аудандық полиция бөлімінің қызметкерлері ұшқышсыз ұшақ арқылы бірқатар заң бұзушылықтарды анықтады. Мәселе шамдары өшірілген және қауіпсіздік белдігін пайдаланбай көлік жүргізу туралы болып отыр.
Полиция барлық жол қозғалысына қатысушыларды заң мен жол ережелерін қатаң сақтауға шақырады.
Ведомство Қарағанды облысында заманауи цифрлық технологиялар белсенді түрде қолданылатынын атап өтті. Бұл - құқық бұзушылықтарды автоматты түрде тіркеу кешендері, жылдамдықты өлшеу камералары және дрондар. Осылайша, полицейлер тәулік бойы жолдардағы жағдайды бақылап, жол-көлік оқиғасы кезінде жедел әрекет ете алады.
Басты мақсат - алдын алу, жүргізушілердің жауапкершілігін арттыру, жолдарда қауіпсіз жүріс-тұрыс мәдениетін қалыптастыру және адам өмірін сақтау.
Автокөлік жүргізушілеріне жылдамдық режимін сақтау, рөлде мұқият болу және жол белгілерінің нұсқауларын орындау қажеттігі еске салынды.
