Абай облысында Ақтоғай мыс балқыту зауытының құрылысы басталды
Алғашқы мыс катодын 2030 жылы алу жоспарлануда
Абай облысының Ақтоғай кентінде мыс балқыту зауытының құрылысы басталды. Салтанатты рәсімге Қазақстан Президенті Қасым-Жомарт Тоқаев бейнекөпір форматында қатысты, деп хабарлады мемлекет басшысының әкімшілігі.
Тоқаев Қазақстанның пайдалы қазбалардың орасан зор қорына ие екенін еске салды. Елде 9,5 мыңнан астам кен орны бар, жыл сайын шамамен 160 млн тонна кен өндіріліп, 3,5 млн тоннаға жуық мыс концентраты шығарылады.
Озық шешімдерді қолдану өнімділікті арттыруға, еңбек қауіпсіздігі деңгейін жоғарылатуға және өндірістік жарақаттанудың тиімді алдын алуға ықпал етеді.
Мемлекет басшысы жаңа зауыт құрылысының жоғары сапасын және белгіленген мерзімдердің сақталуын қамтамасыз етуді тапсырды. Ол кәсіпорын Қазақстанның өнеркәсіптік әлеуетін нығайтатынына сенім білдірді.
Ақтоғай мыс балқыту зауытын KAZ Minerals тобы мен қытайлық NFC компаниясы салып жатыр. Жобаға салынған инвестиция көлемі 1,8 млрд долларды құрайды. Мұнда 1 мыңнан астам жұмыс орны ашылады.
Толық циклді кәсіпорын өндірілген мыс концентратын қайта өңдеп, дайын металл шығарады. Бұл өнімнің қосылған құнын арттыруға мүмкіндік береді.
Алғашқы мыс катодын 2030 жылы алу жоспарлануда. Мыстан басқа, зауыт металл алтын мен күміс шығарады.
