Zaisan See компаниясы ШҚО-да технологиялық балық өңдеу кешенін салады
Жобаға Польшадан инвестор тартылды
Интеграцияланған балық өңдеу кешенін қазақстандық Zaisan See компаниясы Шығыс Қазақстан облысында (ШҚО) салады. Кәсіпорында балық өсіріліп, өңделіп, сақталып, ішкі нарықта балық өнімдері сатылатын болады. Бұл туралы республиканың Ауыл шаруашылығы министрлігінің баспасөз қызметі хабарлады.
Инвесторлар шортан, алабұға, көксерке өсірумен айналысуды жоспарлап отыр. Салқындатылған және мұздатылған балық экспортқа да жеткізілетін болады.
Жобаға салынған инвестиция көлемі 6 млн еуроға дейін жетеді. Жобаны іске асыруға Польшадан шетелдік инвестор тартылды.
Зауыттың қуаттылығы – жылына 2 мың тонна дайын өнім. Өндірісте 100-ге жуық жұмыс орны құрылады. Балық өңдеу кешенінің бірінші кезегі 2027 жылдың тамыз айында пайдалануға беріледі.
Ведомствоның баспасөз қызметі мұнда заманауи ресурсты үнемдейтін технологиялар енгізілетінін атап өтті. Болашақта кәсіпорынның балық өңдеу қуаттылығын арттыру жоспарлануда. Сонымен қатар, Zaisan See зауытының базасында аквакультура үшін білікті кадрлар даярлаумен айналысады.
