Қазақстанда агродрондар өндірісін жолға қою жоспарлануда
Жобаны қытайлық әзірлеуші Huida Tech іске асырады
Қазақстанның Цифрлық даму, инновациялар және аэроғарыш өнеркәсібі министрі Жаслан Мәдиев Қытайға сапары барысында Huida Tech компаниясының бас директоры Чжан Юймен және Freedom Holding басшылығымен ынтымақтастық туралы меморандумға қол қойды. Бұл туралы ведомствоның баспасөз қызметі хабарлады.
Қазақстан билігі агродрондар мен ауыл шаруашылығы техникасына арналған автопилот жүйелерін құрастыруды жергіліктендіруді, бірлескен ҒЗТКЖ орталықтарын құруды, цифрлық АӨК үшін кадрлар даярлауды жоспарлап отыр.
Біз озық қытай технологиялары біздің қажеттіліктерімізге бейімделіп, Орталық Азия және ЕАЭО нарықтарына таралуын қалаймыз.
Оның айтуынша, қазақстандық тарап бұл жобаны қолдау үшін салықтық преференциялар беруге дайын. Сонымен қатар, билік жергіліктендірілген шешімдерді аграрлық сектордың мемлекеттік инфрақұрылымына біріктіру үшін деректерді қорғауға және технологиялар трансферіне ерекше назар аударады.
Huida Tech - ҚХР-дағы дәлме-дәл егіншілік технологияларына, агродрондар өндірісіне, спутниктік навигация негізіндегі техниканы автоматты басқару жүйелеріне, топырақты суару жүйелеріне маманданған жетекші әзірлеуші.
Комментарии