Astana Smart City басқаруға арналған AI-платформасы Кипр президентіне таныстырылды
Қазақстан мен Кипр AI саласында бірлескен жобаларды дамытады
Кипр Республикасының Президенті Никос Христодулидис Астанаға сапары барысында Alem.ai Халықаралық жасанды интеллект орталығына барды. Оған бірқатар озық жобалар таныстырылды, деп хабарлады Қазақстанның Цифрлық даму, инновациялар және аэроғарыш өнеркәсібі министрлігінің баспасөз қызметі.
Кездесуге ведомство басшысы Жаслан Мәдиев қатысты. Христодулидиске және Кипр делегациясының мүшелеріне қала инфрақұрылымын басқаруға арналған кешенді Astana Smart City AI-платформасы көрсетілді. Жобаны Presight компаниясы мен Астана әкімдігі іске асыруда.
Еуропалық қонақтарға үлкен деректер мен жасанды интеллект технологияларын біріктіру қалалық қызметтердің тиімділігін және елордадағы өмір сапасын нақты уақыт режимінде қалай арттыратыны көрсетілді.
Кипр Президенті сондай-ақ жасанды интеллектті қолданудың практикалық сценарийлеріне, соның ішінде көлік ағындарын оңтайландыру және қауіпсіздікті қамтамасыз етуге қызығушылық танытты.
Қазақстанның Цифрлық даму, инновациялар және аэроғарыш өнеркәсібі министрлігінің басшылығы Кипр Республикасының Зерттеулер, инновациялар және цифрлық саясат жөніндегі кіші министрлігімен өзара түсіністік туралы меморандумға қол қойды. Құжат ақпараттық технологиялар, AI, сондай-ақ электрондық үкімет, киберқауіпсіздік және ғарыш қызметі салаларында бірлескен жобаларды әзірлеуді көздейді.
Комментарии