Қазақстанда ағымдағы жылы әртүрлі деңгейдегі 11 мың км-ден астам автомобиль жолдары жол жұмыстарымен қамтылады. Бұл туралы Көлік министрлігінің алқа отырысында вице-министр Мақсат Қалиақпаров мәлімдеді.
Жол-құрылыс маусымы аясында республикалық маңызы бар 8,9 мың км және жергілікті желінің 2,3 мың км жолына құрылыс, реконструкция және жөндеу жұмыстары жүргізіледі.
Сонымен қатар, жұмысшылар 3,5 мың км автомобиль жолдарында, оның ішінде жаңа трассаларды реконструкциялау және салу жұмыстарын аяқтайды. Республикалық маңызы бар 2 мың км жолда орташа жөндеу жүргізіледі.
2026 жылдың соңына қарай республикалық желідегі жолдардың 95%-ке дейіні және жергілікті жолдардың 92%-ке дейіні нормативтік жағдайға келтіріледі.
Ағымдағы жылға қандай жобалар қарастырылған:
- Қызылорда – Ақтөбе бағыты бойынша жолды 4 жолаққа дейін кеңейте отырып реконструкциялаудың басталуы
- Қарағанды – Жезқазған жолында құрылыс-монтаж жұмыстарының басталуы
- Ұзындығы 559 км болатын Бейнеу – Сақсауыл жобасын іске асыру
- Ұзындығы 102 км болатын Сарыағаш қаласын айналып өту (мердігерлер анықталды)
- Ақылы жолдарды дамыту
- Жол бойындағы инфрақұрылымды кеңейту
- Цифрлық құралдарды кеңінен енгізу
