AstraZeneca британиялық-швед фармацевтикалық компаниясының Қазақстандағы өкілдері М.Қозыбаев атындағы университетте болды. Қонақтар университеттің зертханалық инфрақұрылымымен танысты. Бұл туралы Қазақстан Республикасы Ғылым және жоғары білім министрлігінің баспасөз қызметі хабарлады.
Университетте микробиология, мультимодальды микроскопия, қоршаған ортаның токсикологиясы және биоалуантүрлілік, су ресурстары зертханалары ашылды. Кабинеттердің бірінде озық медициналық жабдықтар орналасқан.
Аймақтағы жалғыз университет ретінде біз мұндай кездесулерді коммуникацияны дамыту және перспективалы бірлескен жобаларды анықтау үшін маңызды мүмкіндік ретінде қарастырамыз.
Келіссөздер қорытындысы бойынша университет басшылығы мен «AstraZeneca Қазақстан» ынтымақтастық туралы меморандумға қол қойды. Оның аясында медицина қызметкерлерінің біліктілігін арттыру үшін семинарлар, конференциялар ұйымдастырылады.
Шетелдік компанияның қолдауының арқасында дәрігерлер эндоскопия, астма, гипертония және онкологиялық аурулар саласында жаңа құзыреттерге ие бола алады. Сондай-ақ, AstraZeneca Young Health Program бағдарламасы бойынша грант бөлу қарастырылған.