Қазақстан ТЖМ құтқарушылары Алматы маңында халықты, туристерді және инфрақұрылымды қар көшкінінен қорғауға бағытталған кешенді алдын алу шараларын жүргізді. Бұл туралы ведомствоның баспасөз қызметі хабарлады.
Қар массасының өздігінен түсуін болдырмау мақсатында DaisyBell заманауи газдинамикалық қондырғысын қолдана отырып, қар көшкінінің алдын алу шаралары жүргізілді.
DaisyBell - тікұшақ астына бекітілетін портативті жүйе. Қондырғы газ қоспасын қар жамылғысының үстінде қауіпсіз биіктікте жаруға көмектеседі. Соққы толқыны қар көшкінін тудырады.
Құтқарушылар Кіші Алматы және Қотырбұлақ өзендерінің бассейндерінде жұмыс істеді. Операция нәтижесінде «Шымбұлақ – Тұйықсу» трассасының, Школьник шыңы ауданындағы «Шымбұлақ» ТМК аумағының және Ski park Pioneer курортының қауіпсіздігі қамтамасыз етілді.
Жалпы көлемі 83 мың шаршы метрге жуық қар түсті. Бұл төтенше жағдайлардың қаупін азайтуға мүмкіндік берді.
