2026 жылдың алғашқы екі айында Әлеуметтік қызметтер порталы арқылы мүгедектігі бар адамдардың 48,7 мың тапсырысы орындалды. Бұл туралы Қазақстан Еңбек және халықты әлеуметтік қорғау министрлігінің баспасөз қызметі хабарлады.
Қандай қызметтер көрсетілді:
- 35,4 мың оңалтудың техникалық құралы
- 3,6 мың ымдау тілі қызметі
- 9,1 мың жеке көмекшінің қызметі
- 576 санаторлық-курорттық емдеу қызметі
Әлеуметтік қызметтер порталы мүгедектерге оңалтудың техникалық құралдарын жеткізушіні, сондай-ақ жеткізу түрін (оның ішінде өзі алып кету) таңдауға мүмкіндік береді. Тапсырыс электрондық цифрлық қолтаңба арқылы расталады.
Қандай оңалту құралдары ұсынылады:
- кресло-арба
- гигиеналық құралдар
- тифлотехникалық құралдар
- протездік-ортопедиялық құралдар
- сурдотехникалық құралдар
Порталда 600-ден астам арнайы әлеуметтік қызмет көрсетуші, 1000-нан астам оңалтудың техникалық құралдарын жеткізуші тіркелген. Санаторлық-курорттық емдеуді 130 ұйым ұсынады.
