Қазақстанның Экология министрлігі үшін KIA Sportage кроссоверлері мен JAC T9 пикаптары сатып алынады
Автокөліктерді "Қазгидромет" мамандары пайдаланады
«Қазгидромет» республикалық мемлекеттік кәсіпорны (РМК) гидрометеорологиялық мониторинг және қоршаған ортаны бақылау үшін 60-қа жуық автокөлік сатып алу туралы хабарлады. Бұл туралы Қазақстанның Экология және табиғи ресурстар министрлігінің баспасөз қызметі мәлімдеді.
Ведомство отандық өндірістің көлік құралдарын сатып алуды жоспарлап отыр. Атап айтқанда, экологиялық және гидрометеорологиялық мақсаттағы мобильді тексеру зертханасын ұйымдастыру үшін тұтас металл корпусы бар фургондар, 20 KIA Sportage кроссовері және 18 JAC T9 пикапы туралы сөз болып отыр.
Әлеуетті жеткізушілерді тауардың техникалық сипаттамаларын, құнын, жеткізу шарттары мен мерзімдерін қамтитын коммерциялық және баға ұсыныстарын беруге шақырамыз.
Өтінімдер 29 мамырға дейін қабылданады. Естеріңізге сала кетейік, KIA Sportage және JAC T9 автокөліктері Қостанайдағы зауытта құрастырылады.
Комментарии