Satbayev University-де қолданбалы сипаттағы әзірлемелер жүргізілетін жаңа зертханалар ашылды. Қазақстанның Ғылым және жоғары білім министрлігінің басшысы Саясат Нұрбек ғылыми алаңдармен танысты. Бұл туралы ведомствоның баспасөз қызметі хабарлады.
Satbayev University-нің негізгі бағыты - инженерлік ғылымдар. Жаңа зертханаларда өнеркәсіп, аграрлық сектор, медицина, экология, гидрогеология және құрылыс саласының қажеттіліктері үшін зерттеулер жүргізіледі.
Мысалы, гидрогеохимиялық зерттеулер зертханасында жер асты суларының химиялық құрамы зерттеліп, олардың сапасына мониторинг жүргізіледі. Ғалымдар Қазақстанның құрғақ аймақтарын сумен қамтамасыз ету үшін жер асты суларының «Көкжиде» кен орнын пайдалану бойынша стратегиялық жобаны жүзеге асырады.
Молекулалық биотехнология және масс-спектрометрия зертханасында биотехнология және экология саласында әзірлемелер жүргізіледі. Кабинет материалдың молекулярлық-генетикалық талдауын жүргізуге мүмкіндік беретін жабдықтармен жабдықталған.
Біз ғылымды зерттеулердің қолданбалы сипатын күшейту бағытында өзгертеміз.
Президенттің ЖОО-да ғылыми-технологиялық парктерді қалыптастыру жөніндегі тапсырмасы бойынша Stroytech технопаркі құрылды. Оның базасында ғалымдар өз идеяларын жүзеге асырып, монетизациялай алады. Бұл үшін оларға Midas GTS NX бағдарламалық кешені көмектеседі. Ол жоғары дәлдікпен күрделі инженерлік 3D-модельдерді жасауға мүмкіндік береді.