Қазақстанның Қаржы министрлігі мен «Электрондық қаржы орталығы» Digital Qazaqstan форумында «е-Қаржы» жүйесінің «Қаржының цифрлық картасы» (ҚЦК) модулін ұсынды. Іс-шара Шымкентте өтті.
Жүйе елдегі тауар айналымының толық көрінісін алуға, сондай-ақ деректерді аумақтық бөліністе жүктеуге көмектеседі. Digital-шешім әртүрлі көздерден алынған ақпаратты визуализациялауға мүмкіндік береді: бақылау-кассалық машиналары, сауда объектілері және әкімшілік-аумақтық бірліктер.
ҚЦК көмегімен:
- әр түрлі кезеңдерге талдау жасауға
- тауарлардың рейтингін қалыптастыруға
- өңірлердегі сұраныс ерекшеліктерін анықтауға болады
«Қаржының цифрлық картасының» ағымдағы нұсқасында талдау фискалдық чектердің деректері негізінде қалыптастырылады. Болашақта электрондық шот-фактуралар мен тауарларға арналған жүкқұжаттар қосылады. Тауарларды сәйкестендіру NTIN идентификаторлары арқылы жүзеге асырылады.
Бұл жай ғана деректер емес, тұтыну құрылымын тереңірек түсінуге, өзгерістерге жедел ден қоюға және дәлірек басқару шешімдерін қабылдауға мүмкіндік беретін құрал.
ҚЦК - ел экономикасының ашықтығын арттыратын цифрлық құрал. Жоба - мемлекеттік қаржының талдамалық инфрақұрылымын дамытудың бір бөлігі.