Алматылық оқушылардан құралған Alem Innovators командасы FIRST робототехника чемпионатында жеңіске жетті. Шара Астанада өтті, деп хабарлады Алматы әкімдігінің баспасөз қызметі.
FIRST LEGO League Explore (6-9 жас) санатында Alem Innovators командасы Champions Award Winner жүлдесін жеңіп алды. Балалар Қазақстанды АҚШ-тағы FIRST финалында таныстырады.
Турнирге әлемнің 7 елінен 3 мыңнан астам оқушы қатысуда. Алматыдан Kazbots және Alash командалары да өнер көрсетеді. Қазылар алқасы әлі басқа жас санаттарындағы жеңімпаздарды жариялаған жоқ.
