Үшінші атом электр станциясын (АЭС) салуға арналған алаң Қостанай облысындағы Тобыл өзенінің жағасынан таңдалуы мүмкін, бұл туралы Қазақстанның Атом энергиясы жөніндегі агенттігінің төрағасы Алмасадам Сәтқалиев мәлімдеді.
Кешенді тәсіл электр энергиясын тұтыну деңгейі өсіп келе жатқан ең оңтайлы алаңды таңдауды көздейді.
Қарастырылып жатқан нұсқалардың қатарында — Шығыс Қазақстандағы Курчатов, Батыс Қазақстандағы Каспий теңізінің жағалауындағы учаске, сондай-ақ Солтүстік Қазақстандағы Тобыл өзенінің бойы бар. Соңғы нұсқа атом реакторларын салқындату үшін судың жеткілікті деңгейін қамтамасыз етуге мүмкіндік береді, деп толықтырды Сәтқалиев.
Оның айтуынша, аталған барлық алаңның даму әлеуеті бар. Дегенмен, болашақ станцияның орналасуы туралы шешім кейінірек қабылданады.
Еске салайық, Қазақстандағы қуаты 2,4 ГВт болатын алғашқы АЭС-ті Алматы облысындағы Балқаш көлінің жағасында Rosatom (халықаралық консорциумды басқарады) салып жатыр. Оны 2035-2036 жылдары пайдалануға беру жоспарланған. Тағы екі атом нысанын Қытайдың China National Nuclear Corporation (CNNC) мемлекеттік корпорациясы салады деп күтілуде.