Павлодар облысындағы Бозшакөл теміржол станциясында R-65 маркалы 1/9 және 1/11 типті, RWS001PMKZ.00.000 және RWS002PMKZ.00.000 жобаларының бағыттамалық ауыстырғыштарының тәжірибелік-өнеркәсіптік сынақтары аяқталды. Бұл туралы ҚТЖ баспасөз қызметі хабарлады.
Жолдарды қосу құрылғысы Railways Systems KZ қуаттылықтарында жасалған.
Жаңа конструкция икемді тілшелерімен және дәнекерленген рельс ұштары бар моноблокты айқастырмасымен ерекшеленеді.
Жаңа конструкцияның артықшылықтары:
- сенімділік
- пойыздардың қозғалыс жылдамдығын 160 км/сағ дейін арттыру
- пайдалану мерзімінің ұзаруы
R-65 маркалы 1/9 және 1/11 типті бағыттамалық ауыстырғыштар заманауи DESEC төсеу машинасының көмегімен төселді. Осыған ұқсас құрылғылар теміржолдың басқа учаскелерінде кезең-кезеңімен енгізілетін болады.
Railways Systems KZ мамандары сонымен қатар тікелей жол бойынша 200 км/сағ жылдамдыққа есептелген бағыттамалық ауыстырғышты өндіріске дайындауда. 1/11 маркалы ауыстырғыштың жалпы ұзындығы 39 063 мм құрайды.