Қазақстанның аймақтық IT-хабтарында технологияларды, мәдениетті және білімді болашақтың бірыңғай экожүйесіне біріктірген Digital Nauryz ауқымды бағдарламасы басталды. Бұл туралы республиканың ЦДИАӨМ баспасөз қызметі хабарлады.
Хакатондар мен AI-буткемптерден бастап интерактивті көрмелер мен стартап-питчингтерге дейін: Digital Nauryz Қазақстанның барлық аймақтарын қамтыған нағыз технологиялық марафонға айналды.
Digital Nauryz аясында жасанды интеллект технологияларына қызығушылық танытқандар үшін воркшоптар өтті. Қатысушылар көрнекті сарапшылардың дәрістерін тыңдап қана қоймай, өз жобаларын да әзірледі.
Мысалы, Ақтауда AI-құралдарының тікелей демонстрациясымен Speaker Talk өтті. Іс-шара қонақтарына визуалды және мәтіндік контентті жасау үйретілді.
Атырауда Digital Caspian: GenAI Cup стартаптары арасында жарыс өткізілді. Павлодар мен Қызылордада AI Bootcamp бағдарламалары өтті, Жезқазғанда AI-воркшопқа қатысушылар нейрондық желілер арқылы ұлттық мәдени кодты цифрлық өнерге интеграциялауды зерттеді.
Ақтөбеде Baursaq Pitch стартаптарының тұсаукесері ұйымдастырылды. Талдықорғанда робототехника және VR-шешімдер көрмесі жұмыс істеді, ал Шымкент пен Семейде жасанды интеллект технологияларын қолдана отырып 3D-модельдерін жасау бойынша воркшоптар өтті.
Іс-шаралар Astana Hub-қа кіретін IT-хабтар базасында ұйымдастырылды. Бұл нүктелер жас әзірлеушілер мен технологиялық кәсіпкерлерді тарту орталығына айналды.