Құрлық әскерлерінің қазақстандық ұшқышсыз авиациялық жүйелер (ҰАЖ) операторлары біліктілікті арттыру курсынан өтуде. Оқытуды Қазақстанның Ұлттық қорғаныс университеті Астанада жүргізуде. Бұл туралы қорғаныс ведомствосының баспасөз қызметі хабарлады.
Оқытушылар практикалық дайындыққа баса назар аударады. Атап айтқанда, жауынгерлерді «Торғай-10» квадрокоптерін, «Ара» дронын құрастыруға және бөлшектеуге, оған қызмет көрсетуге үйретеді.
Жеке оқу модулі FPV-дрондарына арналған: тыңдаушылар оларды құрастыруды, бағдарламалауды, диагностикалауды және ақауларды жоюды үйренеді.
Ұшқышсыз ұшу аппараттарын қолданудың артықшылықтары:
- жеке құрамның қауіпсіздігін қамтамасыз ету
- жауынгерлік тапсырмаларды орындаудың тиімділігі
- дәлдік және жедел барлау
Қазақстан Қорғаныс министрлігінің баспасөз қызметі дрон операторларын даярлау Қарулы Күштердің басым міндеті болып саналатынын атап өтті. Әскери қызметшілердің құзыреттілігі артып, ҰАЖ-ны қолдану мүмкіндіктері кеңеюде.